12 vikna önn þar sem nemendur vinna með leiktækni á skapandi og skemmtilegan hátt!

 

Kennd verður leiklist, hópsöngur og dans.

Nemendur fá einnig tækifæri til að hitta gestakennara úr bransanum. 

​

• YNGRI LEIKLISTAR HÓPAR (7-9 ára og 10-12 ára) kynnast leiklist, söng og dans í gegnum leiki, sjálfsstyrkingu og sköpun. Unnið er markvisst með hugrekki, ímyndunarafl og samvinnu.

• UNGLINGAR læra leiklist, söng og dans og vinna með hugtök og aðferðir þekktra leiklistarfrumkvöðla ásamt því að vinna með senur og texta úr þekktum og óþekktum leikritum. Unnið verður með líkamlegan spuna, raddþjálfun og stærð leikarans á sviði ásamt því að nemendur læra að virkja ímyndunaraflið í sköpun og spuna.

• LISTHÓPUR UNGLINGAR Þessir hópur er fyrir metnaðarfulla nemendur með þekkingu í leiklist sem vilja skora á sig og læra dýpri leiktækni. Hópurinn vinnur með nýtt þema á hverri önn og tekur fyrir leiktækni, skapandi skrif, senuvinnu og persónusköpun í gegnum samsköpun, vinnu með þekkt og óþekkt leikrit eða uppsetningu heils leikverks. 
  Krafa er gerð um mætingu, elju, textakunnáttu og undirbúning. Áheyrnarprufur eru haldnar inn í hópinn.

• LISTHÓPUR YNGRI og LISTHÓPUR MIÐSTIG eru framhaldshópar fyrir nemendur í 5.-7. bekk og 8.-10. bekk sem vilja skora á sig, læra dýpri leiktækni og setja á svið flóknari leikrit. Krafa er gerð um mætingu, elju, textakunnáttu og undirbúning. 
  Áheyrnarprufur eru haldnar inn í hópana

• ​Áheyrnarprufur fyrir listhópana verða haldnar um miðjan ágúst. Athugið að taka þarf áheyrnapróf milli aldursflokka í Listhópi óháð því hvort nemandi hafi verið í Listhópi áður. 

​

Hver önn endar með glæsilegri sýningu í leikhúsi!