Fullorðnir
Styttri námskeið og workshop
Byrjendanámskeið
8.-29. apríl
Námskeið ætlað byrjendum í leiklist og/eða þeim sem vilja stíga út fyrir þægindarammann með spuna, sjálfstyrkingu og sköpun að leiðarljósi. Farið verður í grunnatriði leiklistarinnar, þar á meðal karaktersköpun, raddbeiting- og líkamsbeitingu og samvinnu.
Námskeiðið hentar bæði þeim sem vilja stíga sín fyrstu skref í leiklist og þeim sem vilja efla sjálfstraustið sitt og framkomu í daglegu lífi.
Fjögur skipti á miðvikudögum í apríl í tvo tíma í senn.
DAGSETNINGAR:
8. apríl kl. 19:30-21:30
15. apríl kl. 19:30-21:30
22. apríl kl. 19:30-21:30
29. apríl kl. 19:30-21:30
KENNARI: Rósa Björk
Rósa Björk útskrifaðist sem leikkona úrThe American Academy of Dramatic Arts í New York árið 2021, en hafði áður stundað nám við leiklistarskóla Jacques Lecoq í París, Frakklandi, þar sem áherslan var lögð á líkamlega leikhústækni. Hún hefur ákaft sótt söng- og leiklistarnámskeið með mismunandi áherslum en vinnur með þekkingu sína í tónlist og leiklist sem leikkona, söngkona & lagahöfundur, framleiðandi, handritshöfundur og sviðslistakennari.
Verð: 25.000 kr.
Spunanámskeið
6.-27. maí
Námskeiðið er ætlað byrjendum og framhaldsnemendum í spuna. Á námskeiðinu læra nemendur grunnatriðin í því að búa til spunasenu. Markmið tímanna er að skemmta okkur saman og sjá hvað gerist þegar við sleppum tökunum og leyfum senunni að verða til á staðnum. Spuni hjálpar okkur að hlusta á hugmyndir annara, vera í núinu og sleppa tökunum. Að námskeiðinu loknu verða nemendur með ný verkfæri í verkfæratöskunni sinni sem þau geta nýtt sér til þess að gera góða spunasenu.
Fjögur skipti á miðvikudögum í maí í tvo tíma í senn.
DAGSETNINGAR:
6. maí kl. 20:00-22:00
13. apríl kl. 20:00-22:00
20. apríl kl. 20:00-22:00
27. apríl kl. 20:00-22:00
KENNARI: Inga Steinunn
Inga Steinunn er sviðshöfundur, spunaleikkona og uppistandari. Hún hefur sýnt vikulega í Þjóðleikhúskjallaranum með Improv Ísland frá árinu 2019. Meðfram sýninganna hefur hún kennt bæði börnum og fullorðnum spuna. Hún frumsýndi frumraun sína í uppistandi árið 2023 í Tjarnarbíó sem fékk góðar viðtökur. Í kjölfarið frumsýndi hún uppistandssýninguna Vangadans í Þjóðleikhúsinu.
Hefur þú áhuga á námskeiðum fyrir fullorðna?
Endilega sendu okkur línu!